BRICS միասնական արժույթ ստեղծելու մասին որոշում չի կայացվել, ասել է Հնդկաստանի պահուստային բանկի ղեկավար Շակտիկանտա Դասը, որի խոսքերը փոխանցում է Bloomberg-ը։
«BRICS արժույթ ստեղծելու գաղափարը առաջ է քաշել BRICS-ի անդամ երկրներից մեկը, և այն քննարկվել է, սակայն այդ հարցի վերաբերյալ որոշում չի կայացվել», - մեջբերում են նրա խոսքերը լրագրողները։
Դիտորդները նշել են, որ Դասի հայտարարությունն արվել է ԱՄՆ ապագա նախագահ Դոնալդ Թրամփի նախազգուշացումից հետո առ այն, որ եթե BRICS երկրները որոշեն հրաժարվել ԱՄՆ դոլարից, ապա ԱՄՆ-ը հարյուր տոկոսով մաքսատուրքեր կսահմանի։
«Մենք ցանկանում ենք նվազեցնել մեր առևտրի ռիսկերը, քանի որ մեկ արժույթից կախվածությունը երբեմն կարող է խնդրահարույց լինել՝ արժեւորման կամ արժեզրկման պատճառով»,-ընդգծել է Հնդկաստանի պահուստային բանկի ղեկավարը։
