Ռուսաստանի և Հնդկաստանի պաշտպանության նախարարներ Անդրեյ Բելոուսովը և Ռաջնաթ Սինգհը դեկտեմբերի 10-ին Մոսկվայում կայանալիք հանդիպմանը կքննարկեն պաշտպանության ոլորտում երկու երկրների հարաբերությունների ողջ շրջանակը։
Այս մասին հայտնում է Հնդկաստանի պաշտպանության նախարարությունը Հնդկաստանի կառավարության տեղեկատվական կայքում հրապարակված հաղորդագրության մեջ։
Ինչպես նշվում է նախարարությունում, Սինգհը դեկտեմբերի 8-10-ը պաշտոնական այցով կայցելի Ռուսաստանի Դաշնություն։ Դեկտեմբերի 10-ին նա Մոսկվայում կմասնակցի ռազմական եւ ռազմատեխնիկական համագործակցության միջկառավարական հանձնաժողովի 21-րդ նիստին։
Նախարարները «դիտարկելու են պաշտպանության ոլորտում երկու երկրների միջև բազմակողմ հարաբերությունների ողջ շրջանակը, ներառյալ ռազմական և արդյունաբերական համագործակցությունը»,-նշել են գերատեսչությունում:
«Նրանք կարծիքներ կփոխանակեն նաև փոխադարձ հետաքրքրություն ներկայացնող ընթացիկ տարածաշրջանային և գլոբալ հարցերի շուրջ»,- հավելել են Հնդկաստանի պաշտպանության նախարարությունից։
Այցի ընթացքում հնդիկ նախարարը դեկտեմբերի 9-ին Կալինինգրադի Յանտառ նավաշինարանում կմասնակցի Հնդկաստանի ռազմածովային ուժերի նորագույն բազմաֆունկցիոնալ «Tushil» ֆրեգատի շահագործման հանձնման արարողությանը։ Սինգհը նաև հարգելու է խորհրդային զինվորների հիշատակը, ովքեր մահացել են Երկրորդ համաշխարհային պատերազմի ժամանակ Մոսկվայում՝ Անհայտ զինվորի գերեզմանում և շփվելու հնդկական համայնքի ներկայացուցիչների հետ։
