Բանգլադեշի հանցագործությունների դեմ պայքարի միջազգային տրիբունալը երկրի իշխանություններին կարգադրել է արգելել նախկին վարչապետ Շեյխ Հասինայի «ատելության խոսքերի» տարածումը տեղական լրատվամիջոցներում և սոցիալական ցանցերում։
«Նա իր ելույթներում ատելություն է հրահրում Բանգլադեշի իշխանությունների դեմ, ինչը կարող է վախեցնել Շեյխ Հասինայի հանցագործությունների վկաներին և խոչընդոտել նրանց հետաքննությանը», - ասել է տրիբունալը:
Ըստ Բանգլադեշի Sangbad Sangstha լրատվական գործակալության՝ տրիբունալը հանձնարարել է տեղեկատվության նախարարությանը չհրապարակել Շեյխ Հասինայի հետագա ելույթները Բանգլադեշի բոլոր լրատվամիջոցներում և քայլեր ձեռնարկել արդեն հրապարակվածները հեռացնելու համար:
Դեկտեմբերի 3-ին «Ավամի լիգա» կուսակցության առցանց համաժողովի ժամանակ Հնդկաստանում գտնվող Շեյխ Հասինան հայտարարել է, որ իրեն ստիպել են հեռանալ Բանգլադեշից՝ հակակառավարական ցուցարարների՝ իրեն սպանելու մտադրության պատճառով:
