Ովքեր են մասնակցել բռնի տեղահանված արցախցիների աջակցման հարցերով խորհրդի նիստին

06.12 01:12 | Կատեգորիա Հասարակություն

Արագածոտնի մարզպետ Սերգեյ Մովսիսյանը ֆեյսբուքյան իր էջում գրում է․

«Մասնակցել եմ ԼՂ-ից բռնի տեղահանվածների աջակցման հարցերով հասարակական խորհրդի նիստին։

Այսօր տեղի է ունեցել ՀՀ տարածքային կառավարման և ենթակառուցվածքների նախարարին կից Լեռնային Ղարաբաղից բռնի տեղահանվածների աջակցման հարցերով ձևավորված հասարակական խորհրդի հերթական նիստը, որը վարել է ՏԿԵ նախարար, խորհրդի նախագահ Դավիթ Խուդաթյանը։ Նախարարը ողջունել է խորհրդի անդամներին և համոզմունք հայտնել, որ նրանց ջանքերի համախմբումը կհանգեցնի տեսանելի արդյունքների, և կկարողանան ապահովել տեղահանված հայրենակիցների կյանքի որակի բարձրացում։ Նիստի օրակարգում ընդգրկված էր 2 հարց։ Զեկուցվող առաջին հարցը վերաբերում էր զբաղվածության ապահովման պետական աջակցության ծրագրերին։ Հարցը ներկայացրել է Աշխատանքի և սոցիալական հարցերի նախարարի տեղակալ Ռուբեն Սարգսյանը։ Երկրորդ հարցը վերաբերում էր ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրի ընթացիկ իրավիճակին, որը զեկուցել է Աննա Ժամակոչյանը։

ՀՀ ԱՍՀ նախարարի տեղակալ Ռուբեն Սարգսյանը տեղեկացրել է, որ այս պահին, ըստ ՊԵԿ-ի փոխանցած տվյալների, 25000 տեղահանված անձ գրանցված աշխատանք ունի։

«ՄՍԾ-ի միջոցով այս պահին աշխատանքի ապահովման երկու ձև է գործում՝ ուղիղ գործատուի միջոցով և աշխատանքային պրակտիկայի, ուսուցման տեսքով»,- նշել է ՀՀ ԱՍՀ նախարարի տեղակալը։

ՀՀ ԱՍՀ նախարարի տեղակալ Աննա Ժամակոչյանը, խոսելով ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրի մասին, նշել է, որ այս պահին մի քանի ուղղություններով փորձում են այն լավարկել։ Դրանք վերաբերում են ձեռք բերվող, կառուցվող բնակելի տարածքների մակերեսներին, տուն կառուցելու համար ձեռք բերվող հողատարածքի գումարի շեմի բարձրացմանը, հողամասի նվազագույն մակերեսի սահմանմանը: Երկրորդ փուլի շահառուներին ևս հնարավորություն կընձեռնվի դիմել ծրագրին, եթե վճարունակ ճանաչվեն։

Խորհրդի նիստին մասկացել է նաև ՀՀ ՆԳՆ միգրացիայի և քաղաքացիության ծառայության նորանշանակ պետ Նելլի Դավթյանը։

Խորհրդի անդամները զեկուցվող հարցերի վերաբերյալ հայտնել են իրենց տեսակետները և առաջարկները։ Ծավալվել է հարցուպատասխան»։

Ամենաշատ կարդացվածներ

Realpolitik․ «Փաշինյանի հին ու նոր կերպարը․ երբ կլինի իշխանափոխություն»

10.12 21:30 | Կատեգորիա Քաղաքական

Մասկը և Թրամփի որդին ծաղրել են Զելենսկուն՝ նրան համեմատելով «Տանը մենակ» ֆիլմի հերոսի հետ

10.12 12:41 | Կատեգորիա Աշխարհիկ

«Զվարթնոց»-ից՝ Բաքու․ ինչ թռիչքի մասին է խոսքը (տեսանյութ)

11.12 17:06 | Կատեգորիա Հասարակություն

Երևանցիները նախկին քաղաքապետերի մասին. հարցում

09.12 20:30 | Կատեգորիա Քաղաքական

Մեծ Բրիտանիան դադարեցնում է Վրաստանին տրամադրվող աջակցության բոլոր ծրագրերը

09.12 19:53 | Կատեգորիա Համաշխարհային

«Ստատուս քվո». Պահելով իշխանությունդ՝ կարող ես կորցնել պետականությունդ Սիրիայի նման. Հրաչյա Արզումանյան (տեսանյութ)

09.12 21:30 | Կատեգորիա Քաղաքական

Ինչո՞ւ է կարևոր փախստականի վկայականը (տեսանյութ)

11.12 19:30 | Կատեգորիա Հասարակություն

Բա 2Pac միացնողներին չեք կանչո՞ւմ, նստեցնել, բան, ինչպես մեզ արեցիք. Սամսոնյան (տեսանյութ)

09.12 20:02 | Կատեգորիա Աշխարհիկ

Հովհաննես Բաչկովը 6-րդ հաղթանակն է տարել պրոֆեսիոնալ ռինգում

10.12 11:37 | Կատեգորիա Սպորտ

ՈՒՂԻՂ

Այդ անգրագետ մարդը իր կնոջ հետ միասին ղեկավարում է «կրթությունը նորաձև է» կամպանիան․ Լևոն Զուրաբյան