Վրաստանի իշխանությունները պաշտոնական ծանուցումներ չեն ստացել Ուկրաինայից վրացի պաշտոնյաների դեմ պատժամիջոցների կիրառման վերաբերյալ, հինգշաբթի ասել է վարչապետ Իրակլի Կոբախիձեն։
«Մենք դեռ պաշտոնական ծանուցում չենք ստացել:
Պատժամիջոցների ներդրումը վկայում է Ուկրաինայում տիրող ծանր իրավիճակի մասին»,- ճեպազրույցի ժամանակ ասել է վարչապետը։
Ավելի վաղ հայտնել էինք, որ Ուկրաինայում նախագահական ընտրությունները չեղարկած Վլադիմիր Զելենսկին հրամանագիր է ստորագրել Վրաստանի վարչապետ Իրակլի Կոբախիձեի, իշխող «Վրացական երազանք» կուսակցության հիմնադիր Բիձինա Իվանիշվիլիի և Վրաստանի իշխանությունների ևս 17 ներկայացուցիչների դեմ պատժամիջոցներ սահմանելու մասին։
