Վլադիմիր Զելենսկին ասել է, որ հրամանագիր է ստորագրել Վրաստանի իշխանությունների դեմ Ուկրաինայի կողմից պատժամիջոցներ սահմանելու մասին։ Համապատասխան հրամանագիրը հրապարակվել է նրա կայքում։
Ինչպես նշվում է փաստաթղթի տեքստում, ցուցակներում ընդգրկված է 19 մարդ, մասնավորապես՝ «Վրացական երազանք» կուսակցության հիմնադիր Բիձինա Իվանիշվիլին, Վրաստանի վարչապետ Իրակլի Կոբախիձեն, Պետական անվտանգության ծառայության ղեկավար Գրիգոլ Լիլուաշվիլին, Թբիլիսիի քաղաքապետ Կախա Կալաձեն, ինչպես նաև Վրաստանի խորհրդարանի մի շարք դատավորներ և պատգամավորներ։
«Ես հենց նոր ստորագրեցի մի հրամանագիր, որն ուժ է տալիս պատժամիջոցների մասին Ազգային անվտանգության և պաշտպանության խորհրդի որոշմանը, և դա պատժամիջոցներ է Վրաստանի կառավարության նկատմամբ»,- ասել է Զելենսկին Telegram-ի իր ալիքում։
Նախօրեին Զելենսկին հայտարարել էր Կիևի կողմից վրացական իշխանությունների դեմ սահմանափակող միջոցներ նախապատրաստելու մասին։
