Դեկտեմբերի 4-ից ուժի մեջ է մտել Հյուսիսային Կորեայի և Ռուսաստանի Դաշնության միջև Համապարփակ ռազմավարական գործընկերության համաձայնագիրը։ Այս մասին հայտնում է Կորեայի կենտրոնական լրատվական գործակալությունը (KCNA):
Նշվում է, որ դեկտեմբերի 4-ին Մոսկվայում Ռուսաստանի Դաշնության ԱԳ փոխնախարար Անդրեյ Ռուդենկոն և Հյուսիսային Կորեայից նրա գործընկեր Կիմ Չեն Գյուն ստորագրել են վավերացման փաստաթղթերի փոխանակման արձանագրություն։ Համաձայնագրի տեքստին համապատասխան՝ այն ուժի մեջ է մտնում այս պահից։
Այսպիսով, Ռուսաստանի Դաշնության և ԿԺԴՀ-ի միջև 2000 թվականի փետրվարի 9-ի բարեկամության, բարիդրացիության և համագործակցության պայմանագիրը ուժը կորցրած է ճանաչվել: KCNA-ի զեկույցում ընդգծվում է նաև Փհենյանի դիրքորոշումն առ այն, որ նոր պայմանագրի հիման վրա երկու երկրների հարաբերությունները կերաշխավորեն միջազգային ռազմավարական կայունություն և կարագացնեն արդար բազմաբևեռ աշխարհակարգի ձևավորումը:
Համապարփակ ռազմավարական գործընկերության համաձայնագիրը ստորագրվել է հունիսի 19-ին՝ Փհենյանում, երբ ՌԴ նախագահ Վլադիմիր Պուտինը այցելել էր ԿԺԴՀ։
