Վաշինգտոնի վարչակազմը նախատեսում է նոր միջոցներ ձեռնարկել Վրաստանի իշխանությունների դեմ, այդ թվում՝ լրացուցիչ սահմանափակումներ մտցնել։
Այդ մասին չորեքշաբթի հրապարակված գրավոր հայտարարության մեջ ասել է պետքարտուղար Էնթոնի Բլինքենը:
«Միացյալ Նահանգներն այժմ պատրաստվում է օգտագործել մեր տրամադրության տակ եղած գործիքները, ներառյալ՝ լրացուցիչ պատժամիջոցների սահմանումը՝ ի լրումն երկկողմ համագործակցության հետագա վերանայման, որը մենք ավելի վաղ հայտարարել էինք», – ասել է ամերիկյան արտաքին քաղաքականության վարչության ղեկավարը։
Նրա կարծիքով՝ Վրաստանի իշխանությունները «պետք է անհապաղ ազատ արձակեն» նրանց, ովքեր կալանավորվել են «խաղաղ հավաքների և արտահայտվելու իրավունքից օգտվելու համար»։
Ինչպես կարծում է պետքարտուղարը, «ուժի ապօրինի կիրառման համար մեղավոր պաշտոնյաները պետք է լիովին պատասխանատվության ենթարկվեն»։
«Միացյալ Նահանգները խստորեն դատապարտում է «Վրացական երազանք» կուսակցության չարդարացված բռնությունը Վրաստանի քաղաքացիների, ԶԼՄ-ների և ընդդիմադիր գործիչների նկատմամբ։
Մեզ հատկապես անհանգստացնում են իրավապահների գործողությունների հետևանքով մարդկանց լուրջ վնասվածքների մասին հաղորդումները»,-նշել է նա։
