ՆԱՏՕ-ի անդամ մի շարք երկրներ սպասում են, որ ԱՄՆ նոր վարչակազմը ստանձնի իշխանությունը, նախքան ԱՄՆ գլխավորած անդրատլանտյան դաշինքին միանալու Ուկրաինայի խնդրանքի վերաբերյալ որոշում ընդունելը, երեքշաբթի հայտարարել է Լատվիայի արտգործնախարար Բայբա Բրաժեն։
«Սկզբունքորեն, մենք՝ որպես քաղաքական առաջնորդներ, համաձայնեցինք, որ Ուկրաինան կլինի դաշինքի անդամ»,- Reuters-ին հայտնել է Լատվիայի արտգործնախարարը։
«Հարցն այն է, թե ինչ պայմաններով, երբ: Եվ ակնհայտ է, որ դաշինքը պետք է համախմբվի:
Ներկայում բոլոր դաշնակիցները սպասում են, որ ԱՄՆ նոր վարչակազմը կանցնի աշխատանքի, ուստի, կարծում եմ, սա այն ասպեկտներից մեկն է, որի մասին ասեն թե չասեն, բայց իրականությունը դա է»,-նշել է նա։
ՆԱՏՕ-ի նախկին բարձրաստիճան պաշտոնյա Բրաժեն շեշտել է, որ Ուկրաինայի «ռազմական ուժը կլինի ՆԱՏՕ-ի ակտիվությունը», և որ իր երկիրը կողմ կլինի Ուկրաինային միանալու կազմակերպությանը հրավիրելուն, եթե որոշում ընդունվի:
«Մի շարք երկրներ միշտ չէ, որ հարմարավետ են զգում պատերազմող երկրին ՆԱՏՕ-ի անդամ հրավիրելու հարցում»,-շեշտել է նախարարը, հավելելով՝ «Մենք ավելի ճկուն ենք»։
Ավելի վաղ Կիևը ՆԱՏՕ-ի արտգործնախարարներին կոչ էր արել հրավեր ուղարկել Բրյուսելում այս շաբաթ անցկացվելիք հանդիպմանը, սակայն որոշ մայրաքաղաքների հակազդեցության և Վաշինգտոնում անցումային շրջանի պայմաններում այս քայլը քիչ հավանական է թվում, գրում են լրատվամիջոցները։
