ԱՄՆ պաշտպանության նախարարը դատապարտել է Ռուսաստանի հարձակումները Ուկրաինայի քաղաքացիական ենթակառուցվածքի վրա և Մոսկվայի կողմից «Օրեշնիկ» հրթիռի կիրառումը, ինչը նշանավորեց պատերազմի հերթական սրմամբ։
ԱՄՆ պաշտպանության նախարար Լլոյդ Օսթինը զրույց է ունեցել Ուկրաինայի պաշտպանության նախարարության ղեկավար Ռուստեմ Ումերովի հետ։ Ինչպես երկուշաբթի՝ դեկտեմբերի 2-ին կայացած ճեպազրույցում ասել է Պենտագոնի խոսնակ Փեթ Ռայդերը, քննարկման թեմաներն են եղել ռազմի դաշտում զարգացումները, ինչպես նաև Ուկրաինային անվտանգությանն ուղղված ամերիկյան օգնությունը։
Ռայդերն ասել է, որ Վաշինգտոնը Կիևին կտրամադրի «անվտանգության զգալի լրացուցիչ օգնություն, որը կներառի առանցքային հնարավորություններ՝ աջակցելու Ուկրաինայի մարտադաշտի ամենահրատապ կարիքներին, ներառյալ հակաօդային պաշտպանությունը, հրթիռային համակարգերի զինամթերքը, հրետանին և հակատանկային զենքերը»:
Պենտագոնի կայքում տեղադրված մամուլի հաղորդագրության մեջ նշվում է, որ Օսթինը Ումերովի հետ զրույցի ժամանակ «դատապարտել է Ռուսաստանի կողմից ուկրաինական քաղաքացիական ենթակառուցվածքի դեմ ուղղված հրթիռակոծությունը և անօդաչու թռչող սարքերի վերջին տարափը և միջին հեռահարության բալիստիկ հրթիռի (Օրեշնիկ) օգտագործումը Ուկրաինայում։ Նշանավորելով Ուկրաինայի դեմ Ռուսաստանի պատերազմի հերթական սրումը»։
