ՆԱՏՕ-ի խորհրդարանականները մտահոգված են այն քաղաքականությամբ, որը Դոնալդ Թրամփը կվարի դաշինքի նկատմամբ Սպիտակ տուն վերադառնալուց հետո, ասել է շվեյցարացի պատգամավոր Ժակլին դե Կվատրոն (Jacqueline De Quatro) շվեյցարական Tribune de Genève թերթին ՆԱՏՕ-ի Խորհրդարանական վեհաժողովի ավարտին տված հարցազրույցում։
«Այո, ակնհայտ է, որովհետև բոլորը մտածում են, թե որն է լինելու նրա արտաքին քաղաքականությունը: Արդյո՞ք այն կլինի մեկուսացման, ինչպես այն, ինչ նա քարոզում է տնտեսական մակարդակում: ԱՄՆ-ը կսկսի նվազեցնել իր քաղաքական և ռազմական ներգրավվածությունը, թե՞ ցանկանում է մնալ գլոբալ կարգավորող ուժ, դա մեծ հարց է», - պատասխանեց նա այն հարցին, թե արդյոք վեհաժողովում անհանգստության զգացում կար:
Դե Քվատրոն հավելել է, որ Դաշինքը լքելու Թրամփի սպառնալիքները, եթե եվրոպացիներն իրենց ՀՆԱ-ի 2%-ը չհատկացնեն պաշտպանությանը, «զարթուցիչ» են։
