ԱՄՆ նախագահ Ջո Բայդենը ներում է շնորհել իր որդուն՝ Հանթերին, երկու դատական գործերով՝ չնայած դա չանելու բազմիցս խոստումներին։
«Այսօր ես ներում եմ շնորհել իմ որդուն՝ Հանթերին։ Իմ պաշտոնավարման առաջին իսկ օրվանից ես ասել եմ, որ չեմ միջամտի ԱՄՆ Արդարադատության դեպարտամենտի որոշումներին, և ես հավատարիմ մնացի իմ խոսքին, նույնիսկ երբ տեսնում էի, թե ինչպես են իմ որդուն ընտրովի և անարդար կերպով հետապնդում։
Ոչ մի ողջամիտ մարդ, ուսումնասիրելով Հանթերի գործի փաստերը, չի կարող գալ որևէ այլ եզրակացության, քան այն, որ նա առանձնացվել է, քանի որ նա իմ որդին է»,-ասել է ամերիկացի առաջնորդը, որի խոսքերը մեջբերել է Սպիտակ տան մամուլի ծառայությունը: Ինչպես հետևում է հայտարարությունից, խոսքը Դելավեր և Կալիֆորնիա նահանգներում վարույթների մասին է։
Դելավերում Հանթեր Բայդենին մեղադրանք էր առաջադրվել հրազենի խախտման մեջ։ Նա մեղավոր է ճանաչվել։
Կալիֆորնիայում ամերիկացի առաջնորդի որդին ընդունել է իր մեղքը հարկերից խուսափելու մեջ։ Սպիտակ տունը նախկինում բազմիցս հայտարարել է, որ Բայդենը չի պատրաստվում ներում շնորհել իր որդուն։
