ԼՂ հակամարտության իրավիճակում ՀԱՊԿ-ը ցույց տվեց իր ներսում առկա թույլ կողմերը և այն անորոշությունները, որոնք ժամանակին ծառայում էին այդ կառույցի գոյության օգտին, իսկ հետո, երբ իրավիճակը սրվեց, հայտնվեցին «իրենց ողջ փայլով»։ Այս մասին հունիսի 12-ին կայացած քննարկման ժամանակ հայտարարել է Տնտեսագիտության բարձրագույն դպրոցի Ռազմական տնտեսագիտության եւ ռազմավարության ինստիտուտի գիտական ղեկավար Դմիտրի Տրենինը։Նա հավելել է, որ Ռուսաստանը չի պարտադրում իր տեսակետը ՀԱՊԿ-ի շրջանակներում:Նրա խոսքով՝ ՀԱՊԿ երկրները չեզոք դիրք են զբաղեցնում Ռուսաստանի համար ուկրաինական ամենակարեւոր հարցում. «ՀԱՊԿ երկրներից ոչ մեկը, այդ թվում՝ Բելառուսը, չի ճանաչել Ղրիմի ներառումը Ռուսաստանի Դաշնության կազմում։ Ռուսաստանին, իհարկե, դա դուր չի գալիս, բայց չի պարտադրում»,- նշել է Տրենինը։Նա ընդգծել է, որ ի սկզբանե շատերը ՀԱՊԿ-ն ընկալել են կամ որպես Վարշավայի պայմանագրի տարբերակ, կամ պատասխան ՆԱՏՕ-ին, բայց իրականում դա այնքան էլ լավ ուսումնասիրված կազմակերպություն չէ։«Սա միություն չէ, սա դաշինք չէ, այլ ռազմաքաղաքական միավորում է, շատ հարցերի վերաբերյալ արձանագրություններով, որոնք հստակ սահմանված չեն։ Սա պլյուս էր, երբ եղանակը լավ էր, բայց երբ եղանակը սարսափելի է դառնում, այդ լավը դարձավ ոչ այնքան լավ:Եթե լուրջ խոսենք, ապա ռազմաքաղաքական ոլորտում Ռուսաստանի միակ դաշնակիցը Բելառուսն է, թեև պաշտոնապես ՀԱՊԿ բոլոր երկրները համարվում են դաշնակիցներ։ Այլ երկրների դիրքորոշումը տարբեր աստիճանի բազմավեկտոր դիրքորոշում է»,- եզրափակել է փորձագետը։
ՀԱՊԿ-ը ղարաբաղյան հակամարտության իրավիճակում ցույց տվեց այն թույլ կողմերը, որոնք բնորոշ էին դրան. Տրենին
12.06.2024 12:28 |
Կատեգորիա
Ռուսաստան
