Թբիլիսիում, որտեղ զանգվածային բողոքի ցույց է ընթանում, բախումներ են սկսվել հավաքվածների և ոստիկանների միջև։ Ներքին գործերի նախարարությունը հայտնել է մեկ վիրավոր աշխատակցի մասին, հայտնում է Ռուսթավի 2-ը։ Վիրավոր ոստիկանը հոսպիտալացվել է:
Ոստիկանությունը խոստացել է «համապատասխան պատասխան» անօրինական գործողություններին։
Հանրահավաքի համար Թբիլիսի է ժամանել Հանրապետության նախագահ Սալոմե Զուրաբիշվիլին։
Նա մեղադրել է իշխանություններին «սահմանադրական հեղաշրջում» իրականացնելու համար և կոչ արել ԵՄ երկրների դիվանագիտական կորպուսի ներկայացուցիչներին օգնել իրեն և ընդդիմությանը հասնել երկրում նոր խորհրդարանական ընտրությունների նշանակմանը։
