2025 թվականի ապրիլին առաջին անգամ Մոսկվայում կկայանա հայկական Լյուքս դասի անշարժ գույքի ցուցահանդես և համաժողով՝ հայ և ռուս գնորդների համար:
Առաջնային նպատակ ունենալով խթանել ներդրումները Հայաստանում՝ առանձնացված հատվածում կներկայացվեն նաև միջին և խոշոր ներդրումային նախագծեր։
Կստեղծվեն բոլոր նախապայմանները հայ և ռուս գործարարների միջև նոր գործարար կապեր ստեղծելու համար։ Ցուցահանդեսին կմասնակցեն Պրեմիում և Լյուքս դասի Հայաստանի լավագույն նորակառույցները, որոնք հյուրերին հատուկ պայմաններ կառաջարկեն ցուցահանդեսի շրջանակում:
Միջոցառման անցկացման վայր է ընտրվել Մոսկվայի ամենաշքեղ հյուրանոցներից մեկը՝ «ARARAT PARK HYATT»-ը, որը կարևոր գործոն կհանդիսանա խստապահանջ այցելուների համար և համապատասխան մթնոլորտ կստեղծի Հայաստանի Լյուքս դասի նորակառույցների համար։
Ռուս գնորդներին կառաջարկվի հայկական բանկի միջոցով հիփոթեքային վարկավորում, որը լուրջ վաճառքի խթան կհանդիսանա:
Կկազմակերպվի համաժողով, որին կներկայացվի նաև Հայաստանի անշարժ գույքի շուկայի զարգացման հեռանկարները։
Ներկայացված կլինեն ոչ միայն բնակելի շենքեր, այլ նաև հյուրանոցային համալիրներ՝ բարձր եկամտաբերությամբ։Առաջին անգամ կկազմակերպվի բրոքերների տուր դեպի Հայաստան։
Միջոցառման շրջանակում կտպագրվի ռուսալեզու կատալոգ, որտեղ տեղ կգտնեն նաև ոչ միայն մասնակից ընկերությունների նորակառույցները։
Միջոցառման նախաձեռնողն է BPA (Business Partners of Armenia ) ընկերությունը, որի ղեկավարն է Վրույր Փենեսյանը։
