ԱՄՆ իշխանությունները ձերբակալել են Արիզոնայի մի բնակչի, ով սպառնացել է սպանել երկրի նախագահական ընտրությունների հաղթող Դոնալդ Թրամփին և նրա ողջ ընտանիքին, հայտնում է ABC News-ը՝ վկայակոչելով մեղադրական եզրակացությունը։
Ինչպես նշում է հեռուստաալիքը, վկայակոչելով փաստաթուղթը, Մանուել Տամայո-Տորեսը «անորոշ, բայց ուղղակի սպառնալիքներ» է հնչեցրել «նոր նախագահի» հասցեին, իսկ աղբյուրները հեռուստաալիքին հաստատել են, որ տղամարդու ենթադրյալ սպառնալիքներն ուղղված են եղել Թրամփի դեմ։
Հեռուստաալիքը հայտնում է, որ վերջին ամիսներին Facebook սոցիալական ցանցում հրապարակված տեսանյութերում Տամայո-Տորեսը մի շարք «տարօրինակ և ծիծաղելի» հայտարարություններ է արել Թրամփի մասին և, ըստ երևույթին, սպառնացել է AR-15 ոճի հրացանով և այլ զենքերով, իսկ օգոստոսին նա տեսագրել է իր այցը Արիզոնա, երբ Թրամփը այնտեղ քարոզարշավ էր անցկացնում:
«Դաշնային իշխանությունները կալանավորել են Արիզոնայի մի տղամարդու այն բանից հետո, երբ նա, իբրև, համացանցում տեսանյութ է հրապարակել՝ սպառնալով սպանել նորընտիր նախագահ Դոնալդ Թրամփին և նրա ընտանիքին», - ասվում է զեկույցում:
