Հարավային Կորեայի մի քանի ոչ առևտրային կազմակերպություններ չորեքշաբթի բողոքի ցույց են անցկացրել Կիևին զենք մատակարարելու դեմ՝ Ուկրաինայի պաշտպանության նախարար Ռուստեմ Ումերովի Սեուլ ժամանելու մասին լուրերի ֆոնին։ Այս մասին դեպքի վայրից հայտնում է ՏԱՍՍ-ի թղթակիցը։
«Աշխատավորների համերաշխություն» կազմակերպությունը պիկետ է կազմակերպել Սեուլում Կորեայի Հանրապետության նախագահի վարչակազմի շենքի դիմաց։
«Նրանք ասում են, որ այսօր Յոնսանի շրջանում նախագահ Յուն Սեոկ-Յոլը հանդիպում է Ուկրաինայի հատուկ պատվիրակության հետ, ինչպես երևում է, հատուկ պատվիրակությունը նախագահին կխնդրի զենք մատակարարել»,- նշել են ակտիվիստները։
Չորեքշաբթի ավելի վաղ Yonhap լրատվական գործակալությունը հայտնել էր, որ Ումերովի գլխավորած պատվիրակությունը ժամանել է Հարավային Կորեա, որտեղ սպասվում է նաև նրանց հանդիպումը պաշտպանության նախարար Կիմ Յոն Հյունի հետ։
