«Իսլամաբադում Ալեքսանդր Լուկաշենկոն բանակցություններ կվարի Պակիստանի վարչապետ Շահբազ Շարիֆի հետ։ Հանդիպումը կանցկացվի նեղ և ընդլայնված կազմով՝ պատվիրակությունների անդամների մասնակցությամբ»,-ՏԱՍՍ-ի փոխանցմամբ՝ ասվում է հաղորդագրության մեջ։
Այցի ընթացքում հիմնական ուշադրությունը կդարձվի փոխշահավետ համագործակցության հետագա ընդլայնմանը`շեշտը դնելով առևտրատնտեսական փոխգործակցության զարգացմանն ուղղված գործնական քայլերի վրա:
Բանակցությունների արդյունքում կստորագրվի միջազգային փաստաթղթերի փաթեթ։
«Հատուկ ուշադրություն է դարձվելու տարածաշրջանային և գլոբալ անվտանգության թեմային, ինտեգրացիոն ասոցիացիաներում փոխգործակցությանը և միջազգային հարթակներում համատեղ աշխատանքին»,- ասվում է հայտարարության մեջ։
Նշվում է, որ Բելառուսի պետության ղեկավարի այցին զուգահեռ Իսլամաբադում կանցկացվի պակիստանա-բելառուսական գործարար համաժողով։
