Երբ իրական խաղաղություն ձեռք բերվի, Երևանը և Բաքուն կարող են հրաժարվել փոխադարձ հայցերից։ Այդ մասին ասաց Նիկոլ Փաշինյանը Հանրային հեռուստաընկերությանը տված հարցազրույցի ժամանակ։
Փաշինյանը պատասխանեց լրագրողի այն դիտարկմանը, որ Հռոմի ստատուտ վավերացնելու ժամանակ նշվում էր, թե միջազգային քրեական դատարանում հնարավոր կլինի քրեական հայցեր ներկայացնել Ադրբեջանի դեմ, սակայն խաղաղության պայմանագրի կնքման դեպքում սա կարող է բացառվել։ Միաժամանակ Ադրբեջանը շարունակում է հայցեր ներկայացնել ՀՀ–ի դեմ։
«Եթե ռեալ տեսնում ենք, որ հասնում ենք խաղաղության և կնքում ենք պայմանագիր, ապա կարելի է գնալ գործարքի՝ ո՛չ ՀՀ-ն միջազգային քրեական դատարանում հայց ներկայացնի Ադրբեջանի, ո՛չ էլ նա մեր երկրի դեմ՝ նախորդիվ տեղի ունեցած իրադարձությունների վերաբերյալ»,– ասաց Փաշինյանը։
