Զելենսկին մի շարք հայտնիների զրկել է պետական պարգևներից և կոչումներից

23.11 00:16 | Կատեգորիա Ժամանց

Ուկրաինայի նախագահ Վլադիմիր Զելենսկին զրկել է պետական մրցանակներից և կոչումներից այն հայտնի մարդկանց, ովքեր ապրում և ելույթ են ունենում Ռուսաստանում՝ միաժամանակ աջակցելով պատերազմին

Նա ստորագրել է համապատասխան հրամանագիրը՝ ուժի մեջ դնելով Ուկրաինայի ազգային անվտանգության և պաշտպանության խորհրդի որոշումը։

Ցուցակում ընդգրկված են եղել ոչ միայն արվեստագետներ, այլ նաև նախկին պաշտոնյաներ, ժողովրդական պատգամավորներ, ՍԲՀ-ի և գլխավոր դատախազության ղեկավարներ, ինչպես նաև կրոնական ու մշակութային գործիչներ։

Հայտնի մարդկանց շարքում, ովքեր զրկվել են «Ուկրաինայի ժողովրդական արտիստ» պատվավոր կոչումից՝ Նիկոլայ Բասկովն է, Ֆիլիպ Կիրկորովը, Ալեքսանդր Մալինինը, Իգոր Կրուտոյը։

Անի Լորակին և Թաիսյա Պովալիին զրկել են «Ուկրաինայի վաստակավոր արտիստի» կոչումից։

Բացի այդ, պատժամիջոցների ցուցակում ընդգրկվել է նաև Ռուս ուղղափառ եկեղեցու պատրիարք Կիրիլը։ Զելենսկու հրամանագրով Ռուս ուղղափառ եկեղեցու պատրիարք Կիրիլը զրկվել է արքայազն Յարոսլավ Իմաստունի 1-ին աստիճանի շքանշանից։

Պետական պարգևներից զրկվել են Ուկրաինայի նախկին ժողովրդական պատգամավոր Վիկտոր Մեդվեդչուկը, նախկին վարչապետ Նիկոլայ Ազարովը, նախկին գլխավոր դատախազ Վիկտոր Պշոնկան և այլ անձինք։

Բացի պետական պարգևներից մշտական զրկվելուց, արգելափակվել է նաև նրանց ունեցվածքը, չեղարկվել են լիցենզիաներն ու թույլտվությունները։

Ամենաշատ կարդացվածներ

Աննա Հակոբյանը «ոջիլ է» անվանել պատերազմում զոհված հերոսի քրոջը. Տաթևիկ Վիրաբյանի արձագանքը

18.05 21:01 | Կատեգորիա Հասարակություն

Հանրային հեռուստաընկերությունը պարզաբանում է պահանջել Իսրայելից «Եվրատեսիլ»-ի 2-րդ կիսաեզրափակչի ժամանակ Պարգի ելույթից հետո հնչեցրած մեկնաբանության համար

18.05 00:09 | Կատեգորիա Մամուլ