Le Monde. Արևմտյան հակահրթիռային պաշտպանության համակարգերը՝ դժվար թե կարողանան կանգնեցնել ռուսական հրթիռները

22.11 13:14 | Կատեգորիա Համաշխարհային

Արևմտյան հակահրթիռային պաշտպանության համակարգերը կարող են հայտնաբերել ռուսական միջին հեռահարության բալիստիկ հրթիռի արձակումը, բայց անպայման չեն կանգնեցնի այն։ Այս մասին Le Monde թերթին հայտնել է Ֆրանսիայի օդատիեզերական ուժերի բարձրաստիճան սպան։

«Ուկրաինայի դաշնակիցները նախազգուշացման համակարգերի օգնությամբ կարող են հայտնաբերել նման վտանգները, սակայն փաստ չէ, որ նրանք կկարողանան չեզոքացնել այն, պատասխան գործողություններ պլանավորելու համար անհրաժեշտ է ընդամենը 30 րոպե»,- ասել է նա։ Հրթիռի արձակումից հետո անհնար է իմանալ՝ արդյոք այն հագեցած է միջուկային մարտագլխիկով, հավելել է հրատարակության զրուցակիցը։ Նրա գնահատմամբ՝ Ռուսաստանի կողմից «Օրեշնիկ» միջին հեռահարության բալիստիկ հրթիռի կիրառումը պետք է դիտարկել Ուկրաինայի վերաբերյալ հնարավոր բանակցությունների համատեքստում ։

«Ռուսները ցանկանում են լինել ուժեղ դիրքում, ցույց տալ, թե ինչի են ընդունակ և որ վճռական են տրամադրված»,- կարծում է սպան։ Ինչպես նոյեմբերի 21-ին ասել է ՌԴ նախագահ Վլադիմիր Պուտինը, ԱՄՆ-ը և ՆԱՏՕ-ի նրա դաշնակիցները ավելի վաղ հայտարարել էին, որ թույլ են տալիս օգտագործել հեռահար ճշգրիտ զենք, որից հետո ամերիկյան և բրիտանական հրթիռները հարձակվել են Բրյանսկի և Կուրսկի շրջաններում գտնվող ռուսական ռազմական օբյեկտների վրա։ Նրա խոսքով՝ Ռուսաստանի Դաշնությունը, ի պատասխան այդ հարձակումների, առաջին անգամ օգտագործել է իր նորագույն ոչ միջուկային «Օրեշնիկ» հրթիռները՝ հարվածելու Ուկրաինայի պաշտպանական արդյունաբերության օբյեկտին՝ Դնեպրում գտնվող «Յուժմաշ» գործարանին (նախկին Դնեպրոպետրովսկ): Ռուսաստանի ղեկավարն ընդգծել է, որ Արևմուտքի սադրիչ քաղաքականությունը կարող է ծանր հետևանքներ ունենալ ։

«ՔԿ-ն ստում էր»․ Բագրատ Սրբազանի պաշտպանները նոր հրապարակումներ են անելու (տեսանյութ)