Հյուսիսային Կորեայի առաջնորդ Կիմ Չեն Ընը հայտարարել է, որ այն պետությունը, որը հրաժարվել է ինքնապաշտպանությունից, չի կարող ինքնիշխան համարվել։ Նրա խոսքերը մեջբերում է Կորեայի կենտրոնական լրատվական գործակալությունը։
«Իրապես ինքնիշխան երկիրը, որը հրաժարվել է ռազմական բախումներից, բախվելու է ագրեսիայի և, անշուշտ, հայտնվելու է ուրիշի «կրնկի տակ»»,- ասել է Կիմ Չեն Ընը Փհենյանում զենքի ցուցահանդեսի բացման ժամանակ:
Պետական գործերի նախագահի խոսքով՝ միայն ռազմական ուժը, որն ի վիճակի է ճնշել թշնամուն, ապահովում է կայունության և զարգացման երաշխիքներ և մնում է խաղաղությունը պաշտպանելու միակ միջոցը։
Կիմ Չեն Ընը հավելել է, որ Կորեայի Աշխատավորական կուսակցությունը և կառավարությունը չեն անտեսի Հյուսիսային Կորեայի անվտանգության իրավունքների խախտումները և թույլ չեն տա փոխել ռազմական հավասարակշռությունը։
