Ամերիկյան Ford ավտոարտադրողը նախատեսում է մինչև 2027 թվականի վերջ Եվրոպայում աշխատանքից հեռացնել 4 հազար աշխատակցի։ Այս մասին գրում է Bloomberg-ը։
«Կրճատումները, որոնք կանդրադառնան Ford Europe-ի աշխատակիցների մոտ 14%-ին, հիմնականում կազդեն Գերմանիայի և Մեծ Բրիտանիայի բիզնեսների վրա մինչև 2027 թվականի վերջը», - ասվում է նյութում:
Նշվում է, որ դա տեղի կունենա արհմիությունների ու կառավարությունների հետ խորհրդակցություններից հետո։ Գործակալության տվյալներով՝ կրճատումները պայմանավորված են էլեկտրական մեքենաների ժողովրդականության նվազմամբ։
Ավելի վաղ Bosch կոնցեռնի ղեկավար Շտեֆան Հարթունգը (Stefan Hartung) թույլատրել էր Գերմանիայում 7 հազար աշխատակիցների կրճատել։
