Արքայադուստր Քեյթ Միդլթոնը նոյեմբերի 19-ին բաց է թողել Բուքինգհեմյան պալատում տեղի ունեցած ամենամյա դիվանագիտական ընդունելությունը։ Այս մասին հայտնում է People-ը։
Գալա երեկոն վարում էին Մեծ Բրիտանիայի թագավոր Չարլզ III-ը և նրա կինը՝ թագուհի Կամիլան։ Արարողությանը ներկայացել է նաեւ միապետի ավագ որդին՝ արքայազն Ուիլյամը։ Ըստ լրագրողների՝ Քեյթ Միդլթոնը որոշել է բաց թողնել ընդունելությունը, քանի որ, ենթադրաբար, պատրաստվում է Սուրբ Ծննդյան համերգին Վեսթմինսթերյան աբբայությունում, որը տեղի կունենա դեկտեմբերի 6-ին։
Մարտի 22-ին արքայադուստրը բացահայտել էր, որ նա կանխարգելիչ քիմիաթերապիայի վաղ փուլերն է անցնում։ Արքայազն Ուիլյամի կինը հայտնել է, որ քաղցկեղը հայտնաբերվել է որովայնի վիրահատությունից հետո կատարված թեստերի ժամանակ։ Քեյթ Միդլթոնը Սուրբ Ծննդից ի վեր որևէ միջոցառման չի մասնակցել։
Հունիսի 15-ին նա երկար ժամանակ անց առաջին անգամ հայտնվեց հանրության մեջ։
