Իշխող «Վրացական երազանք-Ժողովրդավարական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն կարծում է, որ երկրի նախագահ Սալոմե Զուրաբիշվիլին օտար ուժերի գործակալ է և գործում է նրանց հրահանգով։
«Զուրաբիշվիլին ազդեցության տակ գտնվող անձնավորություն է: Նա փամփուշտներ ունի, և ինչ պատվիրեն, կանի: Երբ գործակալ ես, այլ ելք չունես. անում ես այն, ինչ ասում են: Ես նույնիսկ իրավունք չունեմ հարց տալու», -,-վրազական լրատվամիջոցների փոխանցմամբ՝ լրագրողներին ասել է Կալաձեն:
Հոկտեմբերի 26-ին Վրաստանում տեղի են ունեցել խորհրդարանական ընտրություններ, որոնցում իշխող կուսակցությունը հաղթել է ձայների 53,93%-ով։ Վրաստանի նախագահը, ով ողջ նախընտրական շրջանում կոչ էր անում բնակչությանը քվեարկել ընդդիմության օգտին, հրաժարվել է ճանաչել քվեարկության արդյունքները և դրանք անվանել կեղծված։
