Աբխազիայի նախագահ Ասլան Բժանիան հրաժարականի դիմում է ներկայացրել, լրագրողներին հայտնել է փոխնախագահ Բադրա Գյունբան, հայտնում է Baza տելեգրամյան ալիքը։
Ինչպես նշվում է նախագահի մամուլի ծառայության կողմից փոխանցված Բժանիայի հայտարարության մեջ, նա հրաժարական է տալիս «երկրում կայունությունն ու սահմանադրական կարգը պահպանելու համար»։
«Աբխազիայի Հանրապետության նախագահ Ասլան Բժանիան հրաժարականի դիմում է ներկայացրել 2024 թվականի նոյեմբերի 19-ին կառավարական շենքերի տարածքում և ներսում հավաքված քաղաքացիների պահանջով։
Ժողովրդական ժողովը՝ Աբխազիայի Հանրապետության խորհրդարանը, կքննարկի Աբխազիայի նախագահի հրաժարականի հարցը 2024 թվականի նոյեմբերի 19-ին»,- ասվում է կառավարության և ընդդիմության ներկայացուցիչների համաձայնագրում։
