Հոկտեմբերի 26-ին Իսրայելի հարվածն Իրանին ուղղված էր, ի թիվս այլ բաների, իրանական միջուկային ծրագրի տարրերից մեկի դեմ, երկուշաբթի օրը Քնեսեթում ելույթ ունենալիս ասել է Իսրայելի վարչապետ Բենիամին Նեթանյահուն։
«Սա գաղտնիք չէ։ Հարվածից մեկը եղել է նրանց միջուկային ծրագրի կոնկրետ բաղադրիչներից մեկի վրա»,-մեջբերում է նրա խոսքերը The Times of Israel-ը:
Նա, սակայն, չի պարզաբանել, թե կոնկրետ որ օբյեկտն է խոցվել։ Նեթանյահուն նաև պարզաբանել է, որ Իրանը դեռևս զրկված չէ միջուկային զենք ստեղծելու հնարավորությունից։
Սակայն Իսրայելի վարչապետ ասել է, որ Իսրայելի հարվածը նվազեցրել է Իրանի հակաօդային պաշտպանության և հրթիռների արտադրության հնարավորությունները։
Հոկտեմբերի 26-ի գիշերը Իսրայելը մի շարք ավիահարվածներ է հասցրել իրանական ռազմական օբյեկտներին, ինչի հետևանքով իրանցի չորս զինվոր է զոհվել։ Սա ի պատասխան իրանական ուժերի՝ այս աշնան սկզբին Իսրայելի ուղղությամբ հրթիռներ արձակելուն էր:
