Եվրաինտեգրման ուղու շրջանակում Հայաստանը փոխադարձություն չի ստանում, իսկ Երևանի ձգտումները հղի են անվերջ սպասումով՝ Եվրամիության մաս դառնալու հույսով։ Այս մասին ТАСС-ին հայտարարել է Պետդումայի միջազգային հարցերով հանձնաժողովի նախագահ, Ռուսաստանի Լիբերալ-դեմոկրատական կուսակցության առաջնորդ Լեոնիդ Սլուցկին։
«Փաշինյանը, ինչպես ես բազմիցս ասել եմ, «ուկրաինական փոցխի վրա է կանգնում»։ Երևանը փաստացի ընտրել է եվրոպական ինտեգրման ուղին՝ առանց փոխադարձության որևէ իրավական երաշխիքի։
Երևանին նախազգուշացրել էին՝ երկու աթոռի վրա միաժամանակ նստել չի ստացվի։ Կամ անդամակցություն ԵԱՏՄ-ին՝ շուկայական և առևտրային առավելություններով, կամ փշոտ ճանապարհ դեպի ԵՄ-ի հետ միավորում՝ նախասրահում անվերջ երկար սպասումով։ Բայց դա նրանց ընտրությունն է»։
Խորհրդարանականը նաև ուշադրություն է հրավիրել այն հանգամանքի վրա, որ ներկայիս հայկական իշխանությունները եվրաինտեգրման իրենց ձգտմամբ «լուրջ ռիսկերի են ենթարկել Ռուսաստանի հետ բազմամյա համագործակցությունը» և դրանով իսկ թուլացրել են սեփական տնտեսությունը, որը հիմնականում կողմնորոշված է ռուսաստանյան շուկայի վրա։
