2 քննիչներին ծեծի ենթարկած ոստիկանը և ևս 1 մեղադրյալ կալանավորվել են։ Այս մասին գրել է ՔԿ խոսնակ Կիմա Ավդալյանը։
Ավելի վաղ «Իշխանութուն» լրատվականը գրել է, որ Երեւանում քննչականի վարչության պետի մասնակցությամբ քննիչները դաժան ծեծի են ենթարկել ոստիկանին: Լրատվականին ահազանգել են՝ երեկ ուշ գիշեր Քննչական կոմիտեի Երևան քաղաքի վարչության շենքի դիմաց գերլարված իրավիճակ է եղել։
Փոխանցված տեղեկություններով՝ վարչության պետ Ռաֆայել Վարդանյանի մասնակցությամբ քննիչները դաժան ծեծի են ենթարկել համայնքային ոստիկանի։ Դեպքից հետո նրա համար շտապօգնություն է կանչվել։
Քննչական կոմիտեն հայտարարություն է տարածել, որումպնդում են թե կայքերում տարածվող տեղեկատվությունը՝ իբր քննիչները՝ վարչության պետի մասնակցությամբ, դաժան ծեծի են ենթարկել ոստիկանին, չի համապատասխանում իրականությանը: Քննչականը այնուամենայնիվ չի հերքում, որ միջադեպ է տեղի ունեցել, ավելին՝ հայտնում է, որ դեպքի առթիվ Երևան քաղաքի քննչական վարչության ծանր հանցագործությունների քննության բաժնում նախաձեռնվել և իրականացվում է քրեական վարույթ:Վարույթի շրջանակում ձերբակալվել են ոստիկանության ծառայողը և նրա հետ ազգակցական կապի մեջ գտնվող ևս 2 անձ: Ըստ քննչական կոմիտեի՝ ոստիկանը դեպքի պահին եղել է ալկոհոլի ազդեցության տակ:
