Իրանի բանակի «Խաթամ ան-Անբիա» կենտրոնական շտաբի հրամանատար, գեներալ-մայոր Ալի Աբդոլլահին հայտարարել է, որ մուսուլմանական երկրները պետք է «հեռատեսություն» ցուցաբերեն, հետևեն տարածաշրջանում ԱՄՆ-ի գործողություններին և վերանայեն Վաշինգտոնի հետ համագործակցությունն ու փոխգործակցությունը, հայտնում է Mehr-ը։
Նրա խոսքով՝ ԱՄՆ-ն «արագացնում է տարածաշրջանային հակամարտության լայնամասշտաբ էսկալացիայի կուրսը»՝ ձգտելով «ապօրինի տիրապետություն» հաստատել Մերձավոր Արևելքում։ Աբդոլլահին Վաշինգտոնին մեղադրել է այն բանում, որ Իրանի դեմ վերջին պատերազմի ընթացքում նա իբր պատրաստ է եղել ցանկացած միջոցի դիմել իր նպատակներին հասնելու համար։
Իրանցի գեներալը նշել է, որ տարածաշրջանի երկրներն ԱՄՆ-ին տրամադրում են իրենց ֆինանսական ռեսուրսները, ենթակառուցվածքները և ռազմավարական հնարավորությունները, որոնք հետագայում որպես «վահան» են օգտագործվում ամերիկյան զինված ուժերի համար՝ միաժամանակ ամրապնդելով Իսրայելի ռազմական ներուժը։
Աբդոլլահիի խոսքով՝ Իրանն իր զինված ուժերի և դաշնակիցների հետ միասին ցույց է տվել, որ «տարածաշրջանում ուժերի հավասարակշռությունը փոխվել է»։ Նա պնդում է, որ իր նպատակներին հասնելու ԱՄՆ-ի անկարողությունը ամերիկյան զորքերին և Իսրայելին ստիպել է մարտական գործողություններ վարել «մուսուլմանական երկրների տարածքից»՝ հակամարտության հետևանքները բարդելով տարածաշրջանի հոսանքների ու կառավարությունների վրա։
«Ցանկացած երկիր, որը պաշտպանական վահան կդառնա ԱՄՆ-ի համար, կայրվի պատերազմի կրակում», — հայտարարել է հրամանատարը։
Նա Մերձավոր Արևելքի պետություններին կոչ է արել ուշադիր հետևել Վաշինգտոնի գործողություններին և վերանայել ԱՄՆ-ի հետ համագործակցությունը։
