ԱՄՆ-ն կարող է այս շաբաթավերջին հարված հասցնել Նաթանզի մոտակայքում գտնվող ենթադրյալ նոր իրանական միջուկային օբյեկտին, որը, ենթադրաբար, թաքնված է Քոլանգ Գազ-Լա լեռան տակ, հաղորդում է CNN-ը՝ հղում անելով իր աղբյուրներին։
Նախատեսված հարձակման մասշտաբները և թիրախների ցանկը դեռևս լիովին պարզ չեն, սակայն ԱՄՆ զինված ուժերը պատրաստ են հարվածել ինչպես Իրանի էներգետիկ, այնպես էլ միջուկային օբյեկտներին: Այնուամենայնիվ, ԱՄՆ վարչակազմը վախենում է, որ եթե Իրանի էներգետիկ ենթակառուցվածքները ռմբակոծվեն, Թեհրանը կարող է պատասխան հարվածներ հասցնել Պարսից ծոցի երկրներին և հետագա խափանումներ առաջացնել համաշխարհային էներգետիկ շուկայում, հաղորդում է CNN-ը:
Իսլամական Հանրապետության արտաքին գործերի նախարարության խոսնակ Էսմայիլ Բաղային նախկինում հայտարարել էր, որ ԱՄՆ նախագահ Դոնալդ Թրամփի պնդումները Իրանի ենթադրյալ նոր միջուկային օբյեկտի մասին անհիմն են, իսկ Վաշինգտոնի մոլուցքային ուշադրությունը Կոլանգ Գազ Լա լեռան նկատմամբ, որտեղ միջուկային գործունեություն չի ծավալվում, ոչ այլ ինչ է, քան ագրեսիայի, ավերածությունների և դիվերսիայի հորինված պատրվակ։
