Մերձավոր Արևելքում մարտերը պետք է անհապաղ դադարեցվեն:
Այս մասին հայտարարել է ՌԴ նախագահ Վլադիմիր Պուտինը՝ ելույթ ունենալով «Վալդայ» միջազգային քննարկումների ակումբի լիագումար նիստում։
«Հասկանում եմ, ես բազմիցս խոսել եմ այդ մասին, ասել եմ, որ ցանկացած գործողություն պետք է համաչափ լինի այն սպառնալիքին, ինչ կատարվում է մյուս կողմում։
Իսրայելի վրա հարձակումը ահաբեկչության դրսեւորում է, և դա տեղի ունեցավ հոկտեմբերի 7-ին։ Բայց, իհարկե, պատասխանը պետք է համաչափ լինի։
Գիտե՞ք, հիմա մենք պետք է ձգտենք պաղեստինյան ժողովրդի տառապանքը հասցնել նվազագույնի՝ զրոյի։ Պետք է ամեն ինչ անել, որպեսզի այս դեպքում և՛ Իսրայելը, և՛ Պաղեստինը համաձայնության գան»,- ասել է Պուտինը։
