Համացանցում հայտնվել են դեռևս չներկայացված Nokia 300 4G Power Bank կոճակային հեռախոսի բնութագրերը։ Նորույթը համատեղում է սովորական հեռախոսի և արտաքին մարտկոցի գործառույթները, հայտնում է IXBT.com-ը։
Արտահոսքի համաձայն, սարքը կստանա 2,4 դյույմանոց QVGA թույլատրությամբ էկրան, 0,3 ՄՊ տեսախցիկ և 3700 մԱ·ժ տարողությամբ մարտկոց։
Արտադրողը հայտարարում է մինչև 44 օր աշխատանք առանց լիցքավորման սպասման ռեժիմում։ Բացի այդ, հեռախոսը կկարողանա օգտագործվել որպես փաուերբանկ՝ ապահովելով մինչև 5 Վտ հզորությամբ հակադարձ լիցքավորում, իսկ սեփական լիցքավորումը կիրականացվի USB-C-ի միջոցով՝ մինչև 18 Վտ հզորությամբ։
Նաև հաղորդվում է IP65 ստանդարտով կորպուսի պաշտպանության, 4G ցանցերի աջակցության, մինչև 32 ԳԲ ծավալով microSD հիշողության քարտերի աջակցության, Bluetooth-ի, 3,5 մմ ականջակալների միակցիչի, FM ռադիոյի և ներկառուցված մեդիա նվագարկչի առկայության մասին։
Սարքի ևս մեկ առանձնահատկություն կլինի հզոր լուսադիոդային լապտերը, որը նախատեսված է արշավների և այլ իրավիճակներում օգտագործման համար, որտեղ պահանջվում է վառ լուսավորություն։ Այն երկու անգամ ավելի պայծառ է, քան iPhone 16 Pro-ի ֆլեշը։
