Իսրայելը բարձրացրել է մարտունակությունը հակաօդային պաշտպանության համակարգերում և օդուժում՝ Իրանի կողմից հերթական հարձակման մտավախության պատճառով, հայտնում է Իսրայելի հանրային հեռուստաալիքը։
Իրանի վրա Իսրայելի վերջին հարձակումից հետո Իսրայելը կարծում էր, որ Իրանը կսպասի և պատասխան հարված կհասցնի միայն ԱՄՆ ընտրություններից հետո: Իսրայելի պաշտպանության բանակը ողջ օրվա ընթացքում հանդիպումներ է անցկացրել իրավիճակը գնահատելու համար, և այս պահին Իրանի կողմից նշանակալի նախապատրաստություններ չեն հայտնաբերվել, ուստի նյութատեխնիկական հրամանատարության հրահանգները մնում են անփոփոխ:
Իսրայելի անվտանգության ծառայություններն այժմ փորձում են պարզել՝ հարձակումը կկատարվի անմիջապես Իրանի՞ց, թե՞ Իրանը կակտիվացնի իր տարածաշրջանային ստորաբաժանումները, մասնավորապես՝ Իրաքում և Եմենում գտնվող շիա աշխարհազորայիններին: Դիտարկվում է նաև համակցված հարձակման հնարավորությունը։
