Թուրքիայի խորհրդարանի նախագահ Նուման Քուրթուլմուշը հայտարարել է, որ անհրաժեշտ է կասեցնել Իսրայելի անդամակցությունը ՄԱԿ-ին՝ Գազայի հատվածում վերջինիս կողմից իրականացվող բռնությունների պատճառով։
«Այսօր ժամանակն է քննարկելու Իսրայելի անդամակցությունը ՄԱԿ-ին կասեցնելու հարցը։ Այժմ մենք ապրում ենք մի աշխարհում, որտեղ անգամ ՄԱԿ-ի բանաձևերը չեն կատարվում։ Միջազգային իրավունքի խախտումները և ՄԱԿ-ի բանաձևերին չկատարելը վերածվել են մշտական պետական ահաբեկչության Գազայում, պաղեստինյան տարածքներում և Լիբանանում, որը հանգեցրել է կանանց և երեխաների կոտորածներին՝ թողնելով նրանց միայնակ սովի և հիվանդության հետ»,- Քուրթուլմուշի խոսքերն է մեջբերում TRT Haber հեռուստաալիքը։
Թուրքիայի նախագահ Ռեջեփ Թայիփ Էրդողանը, հինգշաբթի օրը ելույթ ունենալով Բուդապեշտում Եվրոպական քաղաքական համայնքի գագաթնաժողովում, Գազայում Իսրայելի ագրեսիան անվանել է «մարդկության համընդհանուր ամոթ»:
