Ճապոնիայի վարչապետ Շիգերու Իշիբան և ԱՄՆ նախագահական ընտրություններում հաղթած Դոնալդ Թրամփը հեռախոսազրույցում հայտարարել են դաշինքի հետագա ամրապնդման համար համագործակցելու մտադրության մասին։ Այս մասին հայտարարել է Ճապոնիայի նախարարների կաբինետի գլխավոր քարտուղար Յոսիմասա Հայաշին, հայտնում է ՏԱՍՍ-ը։
«Հեռախոսազրույցի ընթացքում վարչապետ Իշիբան շնորհավորել է Թրամփին նախագահական ընտրություններում հաղթանակի կապակցությամբ: Իշիբան և Թրամփը հաստատել են իրենց համագործակցության մտադրությունը՝ Ճապոնիա-ԱՄՆ դաշինքը նոր բարձունքների հասցնելու համար»,- ասել է նա։
Բացի այդ, նշել է Հայաշին, կողմերը պայմանավորվել են մոտ ժամանակներս անձնական հանդիպում անցկացնել։
