Մեծ քննարկման հերթական թեման «Երկու տարի առանց Արցախն» է՝ այն իրավիճակը, որում հայտնվել է արցախահայությունը։ Հաղորդման բանախոսներն են
«Սոցիալական արդարություն» կուսակցության նախագահ Արման Ղուկասյանը,
Լեհաստանում ՀՀ նախկին դեսպան, փորձագետ Էդգար Ղազարյանը,
«Հայրենիք» կուսակցության քաղխորհրդի անդամ Բաբկեն Հարությունյանը,
«Դեմոկրատական այլընտրանք» կուսակցության նախագահ, քաղաքագետ Սուրեն Սուրենյանցը։
Քննարկման մոդերատորն է Վահան Բաբայանը՝ «Ռեֆորմիստների կուսակցության» նախագահը։
Վահան Բաբայանը հարց ուղղեց Էդգար Ղազարյանին՝ ինչ հարցեր են բարձրացնում արցախահայերը Հայաստանում, ո՞րն է հիմնական հարցը, ինչին ի պատասխան՝ Էդգար Ղազարյանը հիշեցրեց, որ 2025 թվականին կառավարության որոշմամբ՝ արցախահայերին տրվող նպաստները՝ 40 000+10 000 դրամ գումարները, վերացվեցին։ Նրանք փոխվարչապետի հետ հանդիպեցին, բայց այդպես էլ ոչ մի խնդիր չլուծվեց։
Նա ասաց, որ նույն Ներկայացուցչության շենքը, որը ուզում են վերցնել արցախահայերից պատահական շենք չէ. այնտեղ է տեղակայված եղել դրամատիկական թատրոնը, որը, ըստ նրա, դառնալու է Հայաստանում Ադրբեջանի մշակութային կենտրոն՝ դրամատիկական թատրոնով։
Նրա խոսքով, ՀՀ Կառավարությունն ասում է՝ արցախցիները այս երկրի քաղաքացիներ չեն։
«Մարդկանց, ոՀայաստանի անձնագիրը ձեռքին, ասում են՝ դուք Հայաստանի քաղաքացի չեք, երբ անձնագրի մեջ գրված է, որ դրա կրողը ՀՀ քաղաքացի է»,-ասաց Էդգար Ղազարյանը։
Նա հավելեց՝ որպեսզի արցախահայերը Արցախ վերադառնալու ընդանրապես հնարավորություն չունենան,նրանք պետք է ֆիզիկապես Հայաստանում չլինեն։ Դրա համար դիտմամբ,այնպես են անում, որ նրանք չմնան։ Օրինակ՝ եթե նրանք Գորիսում լինեն, մի օր էլ հնարավոր է՝ հետ գնան։
Վահան Բաբայանը հարց ուղղեց Էդգար Ղազարյանին՝ ի՞նչ է սպասվում արցախցիներին։
Էդգար Ղազարյանն ասաց, որ 25 տարի առաջ երբ Հայաստանը անդամակցում էր Եվրոպայի խորդրդին, այդ ժամանակ Ադրբեջանը նույնպես անդամակցում էր այդ խորդդին՝ պայմանով, որ Արցախի հարցը լուծեն խաղաղ եղանակով։ Եվ Արցախը Հայաստանին է պատկանում, թե Ադրբեջանին՝ երկու դեպքում էլ այն Եվրոպայի խորհրդի տարածք է, որտեղ պետք է լինի օրենքի գերակայություն, մարդու իրավունքների պաշտպանություն և իրական ժողովրդավարություն։ Եվ հանկարծ երկու ռազմական հանցագործ՝ Նիկոլ Փաշինյանն ու Իլհամ Ալիևը դաշինք են կազմում և պատերազմական հանցագործություն են իրականացնում Եվրոպայի խորհրդի տարածքում։
«Տեղի է ունենում 150 000 մարդու ցեղասպանություն, բռնի տեղահանություն և ունեզրկում։ Այսինքն՝ խախտվում են իրավունքի բոլոր հնարավոր տեսակները»,-մասնավորապես ասաց Էդգար Ղազարյանը։
«44-օրյա պատերազմը ո՞վ է հրահրել, ո՞վ է հարձակվել արցախահայության վրա։ Դրա պատասխանը ո՞վ պիտի տա։ Դրանից հետ ադրբեջանական պատվիրակություն եվրոպական խորհրդում ի՞նչ գործ ուներ։ Եթե կարելի էր հիմնել տոտալ դիկտատուրա, մենք ինչո՞ւ ենք Վենետիկի հանձնաժողովում ձեզ հետ սահմանադրական իրավունք, ժողովրդական ընտրություններ համաձայնեցնում»,-ասաց Էդգար Ղազարյանը։
Մանրամասն՝ տեսանյութում։
