Հյուսիսային Կորեան առնվազն երկու բալիստիկ հրթիռ է արձակել Ճապոնական ծովի ուղղությամբ, հայտարարել է Ճապոնիայի պաշտպանության նախարար Շինջիրո Կոիզումին, հայտնում է ՌԻԱ Նովոստին։
«Առաջին հրթիռը արձակվել է տեղական ժամանակով մոտավորապես ժամը 7:54-ին (Երևանի ժամանակով ժամը 2:54-ին), հասել է մոտ 50 կիլոմետր առավելագույն բարձրության և թռել է մոտ 900 կիլոմետր։ Երկրորդ հրթիռը արձակվել է մոտավորապես ժամը 8:05-ին (Երևանի ժամանակով ժամը 3:05-ին), հասել է մոտ 50 կիլոմետր առավելագույն բարձրության և թռել է մոտ 950 կիլոմետր», - հայտնել է Ճապոնիայի պաշտպանության նախարարությունը։
Նշվում է, որ Տոկիոյի ներկայացուցիչները այս միջադեպի հետ կապված բողոքի նոտա են հղել Փհենյանին՝ Պեկինում իրենց դեսպանատան միջոցով։
