Եմենի նախագահական կառավարման խորհրդի նախագահ Ռաշադ Մոհամմեդ ալ-Ալիմին առաջարկել է Սաուդյան Արաբիայի մայրաքաղաք Ռիադում անցկացնել երկրի հարավի քաղաքական ուժերի ընդհանուր համաժողով՝ հանրապետության արևելքում ստեղծված ճգնաժամը լուծելու համար։
Այս մասին հաղորդում է Եմենի SABA լրատվական գործակալությունը՝ հղում անելով կառավարության աղբյուրին։
Հարավային նահանգների բնակիչների և հասարակական կազմակերպությունների կոչերին ի պատասխան, որոնք մտահոգված էին քաղաքական գործընթացը «մենաշնորհելու փորձերով», ալ-Ալիմին Սաուդյան Արաբիայի ղեկավարությանը խնդրանքով դիմել էր համաժողովը «հովանավորելու և կազմակերպելու» համար։
Ռիադը կրկին նշել է, որ հարավային խնդիրը խորը պատմական արմատներ ունի, սակայն «այն լուծելու միակ ճանապարհը երկխոսությունն է՝ Եմենի հարցում համապարփակ քաղաքական կարգավորման շրջանակներում»։
