Լիտվան պաշտոնապես դուրս է եկել «Հակահետևակային ականների օգտագործման, կուտակման, արտադրության և փոխանցման արգելման և դրանց ոչնչացման մասին» կոնվենցիայից (Օտտավայի կոնվենցիա): Բալթյան հանրապետության պաշտպանության նախարարությունը հայտարարել է, որ անհրաժեշտ ընթացակարգերի վերջնաժամկետը լրացել է դեկտեմբերի 27-ին:
«ՄԱԿ-ի գլխավոր քարտուղարին կոնվենցիայից դուրս գալու մասին ծանուցումից անցել է վեց ամիս», - ասվում է հայտարարության մեջ։
Կոնվենցիայից դուրս գալը նշանակում է այս տեսակի զինամթերքի օգտագործման, պահպանման և արտադրության հնարավորություն։ Ինչպես նախկինում նշել էր Լիտվայի պաշտպանության փոխնախարար Կարոլիս Ալեքսան, Օտտավայի կոնվենցիայից դուրս գալուց հետո Լիտվան նախատեսում է 2026 թվականին Ֆինլանդիայի հետ համատեղ արտադրել հակահետևակային ականներ՝ սեփական օգտագործման և Ուկրաինա տարածելու համար:
Հաղորդվել է, որ այս նպատակով կհատկացվի հարյուր միլիոնավոր եվրո:
