Ղազախստանի Բայկոնուր տիեզերակայանից «Սոյուզ-5» նոր հրթիռի առաջին փորձնական արձակումը, որը նախատեսված էր 2025 թվականի վերջին, տեղի չի ունեցել և հետաձգվել է։ Այդ մասին տեղեկացնում է Euronews-ը։
Նախագծի գործընկերները՝ Ռուսաստանի պետական «Ռոսկոսմոս» կորպորացիան և Ղազախստանի ազգային տիեզերական գործակալությունը՝ «Կազկոսմոս»-ը, որոշել են անցկացնել ինչպես համակարգերի, այնպես էլ գետնի սարքավորումների լրացուցիչ ստուգումներ։
«Հրթիռի արձակումը հետաձգելու որոշումը տեխնիկական բնույթի է, ռուս-ղազախական համատեղ «Բայտերեկ» տիեզերական նախագծի մասնակիցները մտադիր են ապահովել համակարգերի կայուն աշխատանքը ինչպես նորմալ, այնպես էլ ոչ նորմալ ռեժիմներով, ինչպես նաև ապահովել թռիչքային փորձարկումների պատրաստվածությունը և հրթիռի առաջին արձակման անվտանգությունը»,- նշված է հաղորդագրության մեջ։
«Ռոսկոսմոսը» հաստատել է, որ «Բայտերեկ» ծրագիրը գտնվում է իր եզրափակիչ փուլում, սակայն չի նշել «Սոյուզ-5»-ի արձակման նոր ամսաթիվ՝ հավելելով, որ այն կորոշվի ծրագրի մասնակիցների կողմից համաձայնեցված բոլոր ընթացակարգերի վերստուգման արդյունքների հիման վրա։
