Հարավաֆրիկյան Հանրապետության կառավարության մամուլի հետ կապերի բաժնի ղեկավար Ուիլյամ Բալոյին պատասխանել է ՌԻԱ Նովոստիի հարցին՝ Ռուսաստանի նախագահ Վլադիմիր Պուտինի՝ G20 գագաթնաժողովին առցանց մասնակցելու հնարավորության մասին։ Նա նշել է, որ Հարավաֆրիկյան Հանրապետության նախագահ Սիրիլ Ռամաֆոսան, հավանաբար, անձամբ կհայտարարի ելույթ ունեցողների մասին։
«Մեծ քսանյակի հանդիպման ծրագրի աշխատանքները դեռևս վերջնական փուլում են։ Կարող եմ հաստատել, որ միջազգային կազմակերպությունները, հրավիրված երկրները և Մեծ քսանյակի անդամ պետությունները առաջինը կժամանեն։
Նախագահ Ռամաֆոսան պաշտոնապես կբացի գագաթնաժողովը, որին կհաջորդեն փակ դռների հետևում հանդիպումները: Կարծում եմ՝ նախագահը կհայտարարի այն առաջնորդների մասին, ովքեր ելույթ կունենան գագաթնաժողովում»,-գործակալությանը ասել է Բալոյին:
Գագաթնաժողովում ռուսական պատվիրակությունը գլխավորում է նախագահի աշխատակազմի ղեկավարի տեղակալ Մաքսիմ Օրեշկինը։
