Լիբանանը շահագրգռված է իր տարածքում Իսրայելի հարձակումները դադարեցնելու հարցում և բանակցություններ կսկսի խաղաղության և կայունության հանգեցնող կարգավորման բանաձև մշակելու համար։
Այս մասին Լիբանանի նախագահ Ժոզեֆ Աունը հայտարարել է նոյեմբերի 22-ին, շաբաթ օրը, նշվող հանրապետության անկախության 82-րդ տարեդարձի առթիվ հեռուստատեսային ելույթում։
«Ես հաստատում եմ, որ մենք պատրաստ ենք բանակցություններ վարել ՄԱԿ-ի, Միացյալ Նահանգների հովանու ներքո կամ համատեղ միջազգային հովանավորությամբ՝ նպատակ ունենալով համաձայնության գալ ռազմական գործողությունների մշտական դադարեցման վերաբերյալ, որը կապահովի մեր սահմանների անվտանգությունը», - ընդգծել է քաղաքական գործիչը։
Ինչպես նշել է հանրապետության ղեկավարը, լիբանանյան բանակը «ունակ է ապահովել կայունություն սահմանային շրջաններում և վերահսկողություն հաստատել Իսրայելի կողմից օկուպացված երկրի հարավում գտնվող հինգ ռազմավարական բարձունքների նկատմամբ»։
