ԱՄՆ նախագահ Դոնալդ Թրամփը հայտարարել է Վենեսուելայի նախագահ Նիկոլաս Մադուրոյի հետ շուտով բանակցություններ վարելու մտադրության մասին։ Ամերիկացի առաջնորդն այս հայտարարությունն արել է Fox News-ին տված հարցազրույցում։
Բոլիվարյան Հանրապետության առաջնորդը նախկինում պատրաստակամություն էր հայտնել բանակցել Միացյալ Նահանգների հետ։
«Ես նրա հետ կխոսեմ ոչ այնքան հեռավոր ապագայում», - ասել է Թրամփը։ «Չեմ կարող բացահայտել, թե ինչ կասեմ նրան, բայց կասեմ նրան շատ կոնկրետ բան»։
Նոյեմբերի 17-ին Սպիտակ տանը լրագրողների հարցերին պատասխանելով՝ Թրամփը չի բացառել Վենեսուելայում ցամաքային ռազմական գործողության հնարավորությունը։
Հաջորդ օրը ամերիկացի առաջնորդը հայտարարեց, որ Բոլիվարյան Հանրապետության ղեկավարությունը ցանկանում է բանակցություններ սկսել Վաշինգտոնի հետ, և ինքը բաց է այդ գաղափարի համար։
