ԱՄՆ ներգաղթի և մաքսային ծառայությունը (ICE) կշարունակի պայքարել Նյու Յորքում անօրինական ներգաղթի դեմ նորընտիր քաղաքապետ Զոհրան Մամդանիի երդմնակալությունից հետո։ Այս մասին հայտարարել է Սպիտակ տան մամուլի քարտուղար Քերոլայն Լիվիթը՝ մեկնաբանելով ԱՄՆ նախագահ Դոնալդ Թրամփի և ընտրված քաղաքապետի հանդիպումը։
«Իհարկե, մենք կշարունակենք անօրինական հանցագործների զանգվածային արտաքսումները: ICE-ն կշարունակի իր գործունեությունը Նյու Յորքում: Սա այսօր քննարկվել է Օվալաձև աշխատասենյակում:
Նախագահ Թրամփը երբեք չի զիջում իր սկզբունքները, բայց նա միշտ պատրաստ է համագործակցել այն մարդկանց հետ, ովքեր ցանկանում են այս երկիրը կրկին մեծ դարձնել», - ասել է նա Fox News-ին տված հարցազրույցում։
Նյու Յորքի քաղաքապետի թեկնածու Զոհրան Մամդանին նախկինում հայտարարել էր, որ քաղաքի ոստիկանությունը չի համագործակցի ԱՄՆ ներգաղթի և մաքսային ծառայության հետ։
