ՄԱԿ-ի գլխավոր քարտուղար Անտոնիո Գուտերեշը կոչ է արել փոխել կլիմայական քաղաքականության ներկայիս տարբերակը՝ ապագայում կրիտիկական իրավիճակներից խուսափելու համար։Guardian-ին տված հարցազրույցում Գուտերեշն ասել է, որ մարդկությունը «ձախողվել է» և պետք է ընդունի, որ մարդիկ չեն կարողացել խուսափել 1.5 աստիճան Ցելսիուսից բարձր ջերմաստիճանից առաջիկա մի քանի տարիների ընթացքում։
«Անհրաժեշտ է փոխել ուղղությունը՝ հնարավորինս կարճատև և ամենացածր ինտենսիվությամբ արտանետումներ ապահովելու համար՝ կրիտիկական իրավիճակներից խուսափելու համար։
Մենք չենք ուզում, որ Ամազոնը վերածվի սավաննայի։ Սակայն սա իրական ռիսկ է, եթե մենք չփոխենք ուղղությունը և հնարավորինս շուտ չկրճատենք արտանետումները»,-պնդել է ՄԱԿ-ի գլխավոր քարտուղարը։Կլիմայի փոփոխության մասին ՄԱԿ-ի շրջանակային կոնվենցիայի շրջանակներում 2015 թվականին կնքված Փարիզի կլիմայական համաձայնագիրը պատմության մեջ առաջին անգամ միավորեց բոլոր համաշխարհային տերությունների ջանքերը՝ կլիմայի փոփոխությունը զսպելու համար։
