ԱՄՆ նախագահ Դոնալդ Թրամփը ակնկալում է «շատ արագ» լուծել աֆղանա-պակիստանյան ճգնաժամը, հաղորդում է Associated Press-ը։
Աֆղանստանը և Պակիստանը շաբաթ օրը Ստամբուլում սկսեցին բանակցությունների երկրորդ փուլը՝ խաղաղության համաձայնագիր կնքելու և տարածաշրջանում խաղաղությունն ու կայունությունը խթանելու համար ընդհանուր ռազմավարություն մշակելու նպատակով։
«Ես լսել եմ, որ Պակիստանն ու Աֆղանստանը կրկին սկսել են (բանակցությունները): Բայց ես շատ արագ կլուծեմ այս հարցը», - ասել է Թրամփը Մալայզիայում ընթացող ԱՍԵԱՆ գագաթնաժողովի շրջանակներում:
Նա այս հայտարարությունն արել է Թաիլանդի և Կամբոջայի միջև խաղաղության համաձայնագրի ստորագրման ժամանակ՝ հավելելով, որ Պակիստանի առաջնորդները «հրաշալի մարդիկ» են։
