ԱՄՆ նախագահ Դոնալդ Թրամփը հայտարարել է, որ լավ հարաբերություններ է պահպանում գործարար Իլոն Մասկի հետ՝ չնայած միլիարդատիրոջ նախագահի թիմից հեռանալուց հետո առաջացած լարվածությանը։
«Իլոնի հետ ամեն ինչ լավ է։ Ինձ դուր է գալիս Իլոնը։ Ես միշտ էլ սիրել եմ նրան։ Նա լավ տղա է և շատ ընդունակ տղա», - լրագրողներին ասել է Թրամփը Ճապոնիա մեկնող իր ինքնաթիռում, երբ զրույցը հեռարձակվում էր Սպիտակ տան YouTube ալիքով։
Նախագահն ասել է, որ ժամանակ առ ժամանակ կապի մեջ է Մասկի հետ։ Թրամփը նաև նշել է, որ միլիարդատերը «դժվարին շրջան է անցել» իր կյանքում։
Մասկի կառավարական ծառայությունից հեռանալուց հետո, նա և Թրամփը հրապարակային բախում են ունեցել սոցիալական ցանցերում հունիսի 5-ին։
