ԱՄՆ վարչակազմը որոշել է պատժամիջոցներ կիրառել Կոլումբիայի նախագահ Գուստավո Պետրոյի նկատմամբ՝ թմրամիջոցների կարտելների հետ նրա կապերի և կազմակերպված հանցավորության դեմ պայքարում նրա անհաջողության համար, հայտարարել է ԱՄՆ ֆինանսների նախարար Սքոթ Բեսենթը։
«Նախագահ Գուստավո Պետրոյի իշխանության գալուց ի վեր, Կոլումբիայում կոկաինի արտադրությունը կտրուկ աճել է՝ ողողելով Միացյալ Նահանգները և թունավորելով ամերիկացիներին:
Նախագահ Պետրոն թույլ է տվել թմրամիջոցների կարտելներին ծաղկել և հրաժարվել է կանգնեցնել դրանք», - գրել է նա X-ում:
«Այսօր նախագահ Թրամփը վճռական գործողություններ է ձեռնարկում մեր երկիրը պաշտպանելու համար և հստակեցնում է, որ մենք չենք հանդուրժի թմրանյութերի անօրինական մուտքը մեր երկիր», - հավելել է Բեսենթը։
