Հունգարիան շարունակում է պատրաստ լինել անել ամեն ինչ, ինչ անհրաժեշտ է Բուդապեշտում Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպումը կազմակերպելու համար և հույս ունի հաջողության հասնել Ուկրաինայում հակամարտության կարգավորման գործում։
Այս մասին հայտարարել է Վաշինգտոն այցելող Հունգարիայի արտաքին գործերի նախարար Պետեր Սիյարտոն՝ նշելով, որ հոկտեմբերի 22-ին այս հարցերը կքննարկի ԱՄՆ պետքարտուղար Մարկո Ռուբիոյի հետ։
«Մենք ուզում ենք, որ խաղաղությունը վերադառնա Կենտրոնական Եվրոպա։ Վերջին երեքուկես տարիների ընթացքում մենք ներկայացնում ենք խաղաղության գործը։ Մենք անում ենք ամեն ինչ, ինչ մեր ուժերի սահմաններում է։ Մեզ խնդրեցին հյուրընկալել այս գագաթնաժողովը։ Մենք պատրաստ ենք։
Մասնակիցներին ապահովվել են հաջողության հասնելու համար անհրաժեշտ բոլոր պայմանները։ Եվ ես մեծ հույս ունեմ, որ այս գագաթնաժողովը կկայանա», - ասել է արտգործնախարարը CNN-ին տված հարցազրույցում, որի տեքստը տարածել է Հունգարիայի արտաքին գործերի նախարարությունը։
Մեկնաբանելով գագաթնաժողովի հետաձգման մասին ենթադրությունները՝ Սիյարտոն հիշեցրել է, որ դրա «ամսաթիվը դեռ որոշված չէ»։ «Հետևաբար, ես չեմ հասկանում, թե ինչ է նշանակում այն հետաձգել, եթե ամսաթիվը դեռ որոշված չէ», - հավելել է նա։
